ପାଟଣାଗଡ଼ : ବଲାଙ୍ଗୀର ଜିଲ୍ଲା ପାଟଣାଗଡରେ ସ୍ଥାନୀୟ କଂଗ୍ରେସ ଦଳ ପକ୍ଷରୁ ବୁଧବାର ୧୦ ଦଫା ଦାବି ନେଇ ଏନ୍ଏସି ଅଫିସ ସମ୍ମୁଖରେ ଧାରଣା ଦେବା ସହ କାର୍ଯ୍ୟାଲୟର ମୁଖ୍ୟ ଫାଟକରେ ତାଲା ପକାଇ ବନ୍ଦ କରି ଦେଇଥିଲେ । ଏନ୍ଏସି କାର୍ଯ୍ୟନିର୍ବାହୀ ଅଧିକାରୀ ଙ୍କ ମନମାନୀ କାର୍ଯ୍ୟ ଓ ପାଟଣାଗଡ ଏନ୍ଏସିରେ ଚାଲିଥିବା ବିଭିନ୍ନ କାମରେ ଦୁର୍ନୀତି ହେଉଥିବା ବେଲେ ଏଥିପ୍ରତି କାହାରି ଦୃଷ୍ଟି ପଡୁନାହିଁ ବୋଲି ଦଳ ଅଭିଯୋଗ କରିବା ସହ ସରକାରଙ୍କ ବିରୁଦ୍ଧରେ ନାରାବାଜି ଦେବା ସହ ମୁଖ୍ୟ ମନ୍ତ୍ରୀ ଙ୍କ ଉଦ୍ଦେଶ୍ୟରେ ଉପଜିଲ୍ଲାପାଳ ଙ୍କୁ ଦାବିପତ୍ର ପ୍ରଦାନ କରିଥିଲେ । ଉପଜିଲ୍ଲାପାଳ ଉପସ୍ଥିତ ନଥିବାରୁ ତହସିଲଦାର ରୁଦ୍ରମୋହନ ନାୟକ ଧାରଣା ସ୍ଥଳକୁ ଆସି ଦାବିପତ୍ର ଗ୍ରହଣ କରି କାଯ୍ୟାଲୟର ମୁଖ୍ୟ ଫାଟକରେ ଦିଆଯାଇଥିଵା ତାଲାକୁ ଖୋଲିଥିଲେ । ଆଗାମୀ ଦିନରେ ଦାବି ପୂରଣ ନହେଲେ ଯୋରଦାର ଆନ୍ଦୋଳନ କରାଯିବବୋଲି ଦଳ ପକ୍ଷରୁ ଚେତାବନୀ ଦିଆଯାଇଛି । ଆଜିର ଏହି କାର୍ଯ୍ୟକ୍ରମରେ ଜିଲ୍ଲା କଂଗ୍ରେସ ସଭାପତି ଅନିଳ ମେହେର , ଉପସଭାପତି ଅଜିତ ପୁରୋହିତ ଙ୍କ ସମେତ ଶତାଧିକ କଂଗ୍ରେସ କର୍ମୀ ଏହି ଧାରଣାରେ ସାମିଲ ଥିଲେ ।